Siunnersuinerit ilarivai pisinissamut siunnersuinerit, IT-kkut isumannaallisaaneq, piareeriikkanik pisinerit aammalu qarasaasianik angallattakkanik pisinerit.

Siunnersuinerit aningaasanik atugassanik aammalu atorfissaqartinneqartut malillugit killeqartarput.

Qarasaasiamik pisinissarnut suussusaanillu siunnersuisinnaavunga, piareeriikkamik, katitigassamik, atortunik pitsaanernik pisinissamut aammalu angallattakkamik, soorunami pisariaqartitatit malillugit.

Imaassinnaasoq ilaqutariiulluni atugassaq, spil-inut atugassaq, email-inut internet-imullu tamaallaat atugassamik.
IT-kkut isumannaallisaanerup imarisinnaavaai anti-virus-inik pisineq, netværk-inik ikkussuinerit, angajoqqaatut killinik inissiinerit, tammatsaalinerit aammalu internet-imi eqqumaffigisassanik siunnersuinerit.

Angerlarsimaffimmi server-inik aamma ikkussuinissamik siunnersuisinnaavunga, soorlu assit assinillu ingerlasunik TV-kkut, mobil-ikkut tablet-ikkulluunniit angerlarsimaffimmi isiginnaariaannagassanngortillugit qanoriliornissamik.

Qarasaasianik ikkussuinerit/katiterinerit ilarivai pisiarisappit atortui ikkussornissaaluunniit katiternissai.
Ikkussuinerit katiterinerillu pineqarsinnaapput siunnersortinnerminngaanniik ingerlaqqikkaanni.
Aammalu siornatigut pisiarerikkat katiterlugillu ikkussorsinnaavakka.
Tulluusimaarutigalugu oqaatigisinnaavara qarasaasianik assigiinngitsorpassuarnik ikkussuinermik katiterinermillu misilittagaqarama. Tamakkunanilu silaannarmik imermilluunniit, namminerlu ikkussugassanik imermik nillusaatilinnik misilittagaqarfigalugit.

Ikkussuinissat, katiterinissalluunniit aaliangersimasumik atugassallit aamma isumagisinnaavakka, soorlu angerlarsimaffimmi server-inik aaqqissuinerit, RAID-inik aaqqissuinerit imaluunniit server arlaannik aaliangersimasumik, pisariaqartitarnik atorfissaanik ikkussuillunga aaqqissuillungalu.